Ish-ministri i Kulturës, Kujtim Gashi, tha se nga 23 milionë euro sa ka qenë buxheti kur e ka marrë LDK-ja pushtetin, MKRS-ja ka shkuar në suficit, transmeton Gazeta Metro.
Gashi ka thënë se në mandati ne tij janë realizuar projektet e ministrisë për 99% dhe se ka rritur buxhetin në 43 milionë euro.
“Nuk i keni shpenzuar mjetet sepse kanë qenë të keqkualifikuara. Në mandatin tim është rritur në 43 milionë euro buxheti. 99 për qind janë realizuar projektet e ministrisë”, u shpreh ai.
Gashi ka akuzuar Faton Pecin që si këshilltar i Ministrit ka marrë laptop të cilin s’e ka kthyer. Po ashtu tha se ka marrë edhe telefon.
Po ashtu, Peci është akuzuar nga Gashi se ka shfrytëzuar subvencionet për të shtypur maica me emrin e tij për të bërë fushatë. /gazetametro.net
