Antari i këshillit drejtues të PDK-së, Ramë Vataj ka reaguar publikisht duke kërkuar që Fatmir Limaj të rikthehet në Partia Demokratike e Kosovës.
Në reagimin e tij, Vataj shprehet se beson që Kryesia e PDK-së kësaj radhe do ta respektojë dëshirën e shumicës absolute të votuesve të saj, duke miratuar vullnetin e Fatmir Limajt dhe të gjithë atyre që dëshirojnë të jenë pjesë e familjes politike të PDK-së.
Sipas tij, rikthimi i Limajt, si bashkëthemelues i partisë, është kërkesë e elektoratit të devotshëm të PDK-së dhe do të ishte në të mirë të Kosovës dhe vetë partisë.
“Është për të mirën e Kosovës dhe në interes të PDK-së rikthimi i të gjithë atyre që dikur kanë qenë në gjirin e saj. Vetëm kundërshtarët tanë politik i frikësohen rritjes së votës së PDK-së”, ka deklaruar Vataj.
Në fund të reagimit të tij, ai ka theksuar mesazhin: “Bashkimi bën fuqinë!”.
