Inspektorati Policor i Kosovës ka arrestuar e zyrtarit policor për veprën penale “Organizim i skemave piramidale dhe bixhozit të paligjshëm”.
Sipas njoftimit të IPK-së, zyrtari policor është arrestuar në flagrancë. I njëjti dyshohet se ka pranuar shumën prej dy mijë eurove si pjesë e një shume të përgjithshme në lidhje me veprën penale.
“Me datën 16.04.2026, IPK me autorizim të Prokurorisë Themelore-Ferizaj, ka zhvilluar hetim me masa të fshehta, simulim i korrupsionit, ku është arrestuar në flagrancë një zyrtar policor nga Stacioni Policor Shtërpcë, Drejtoria Rajonale e Policisë Ferizaj pasi dyshohet se ka pranuar shumën prej 2000 euro si pjesë e një shume të përgjithshme në lidhje me veprën penale “Organizim i skemave piramidale dhe bixhozit të paligjshëm”.
Me vendim të Prokurorit të Prokurorisë Themelore-Ferizaj i dyshuari Zyrtari Policor është dërguar në mbajtje për 48 orë lidhur me veprën penale “Organizim i skemave piramidale dhe bixhozit të paligjshëm”, neni 294, i Kodit Penal të Republikës së Kosovës”, thuhet në njoftim.
