Në një akt simbolik mirënjohjeje, Kryeshefi Ekzekutiv i Termokos-it, Fisnik Osmani, ka pranuar fanellën zyrtare të Klub-it të Hendbollit KH Prishtina, si falënderim për përkrahjen që ky institucion i ka dhënë klubit gjatë vitit 2025.
“Sportistët e Prishtinës e meritojnë përkrahjen tonë!”, deklaroi Osmani, duke theksuar se investimi në sport është investim në të ardhmen dhe shëndetin e të rinjve të kryeqytetit.
KH Prishtina, themeluar që nga viti 1953, është një ndër klubet më të vjetra e më të suksesshme në Kosovë. Aktualisht, ky klub përfshin mbi 150 sportistë aktivë, nga pionierët e deri tek seniorët dhe Akademia e Hendbollit, ku po rriten kampionët e së ardhmes.
Përkrahja e Termokosit është pjesë e vizionit për një Prishtinë më të gjelbër, më aktive dhe më të bashkuar, ku sporti nuk mbetet anash, por vendoset në qendër të zhvillimit komunitar.
Me këtë veprim, Termokos dhe Fisnik Osmani po dërgojnë një mesazh të qartë: institucionet publike duhet të jenë partnerë të sportit, kulturës dhe rinisë!
Termokos – po i jep kuptim Prishtinës së gjelbër!
