Presidenti i Këshillit Kombëtar të Austrisë, Wolfgang Sobotka, e ka uruar Glauk Konjufcën me rastin e zgjedhjes kryetar i Kuvendit të Kosovës, shkruan Gazeta Sinjali.
Në telegramin e urimit, Sobotka ka thënë se është i kënaqur që marrëdhëniet midis Austrisë dhe Kosovës janë shumë të ngushta.
Austria gjithmonë ishte dhe mbetet një mbështetëse e palëkundur e Kosovës në rrugën e saj evropiane”,thuhet ndër të tjera në letrën e tij.
Sobotka po ashtu ka shprehur dëshirën e tij të madhe që ta vizitojë Kosovën sa më parë që përfundon pandemia.
Telegrami i plotë pa ndërhyrje:
“I nderuar z. kryetar,
Ju lutem më lejoni t’ju përgëzoj përzemërsisht për zgjedhjen tuaj si Kryetar i Kuvendit të Republikës së Kosovës.
Jam i kënaqur që marrëdhëniet midis Austrisë dhe Kosovës janë shumë të ngushta. Austria gjithmonë ishte dhe mbetet një mbështetëse e palëkundur e Kosovës në rrugën e saj evropiane. Megjithatë, më lejoni t’ju siguroj se mezi pres që të vazhdojmë të punojmë drejt krijimit të lidhjeve edhe më të ngushta midis dy shteteve tona. Kjo mund të ilustrohet me programin e punës së qeverisë aktuale austriake, ku përmendet intensifikimi i shkëmbimit midis parlamenteve tona si një nga qëllimet e tij.
Komponenta të rëndësishme që janë pjesë e kësaj përpjekjeje, që janë gjithashtu shumë të dashura për mua, janë Punëtoria për Demokraci dhe Programi i Bursave të Ballkanit Perëndimor në bashkëpunim me EFB.
Është e panevojshme të thuhet se do të ishte një kënaqësi e madhe të kisha një mundësi për një shkëmbim të hershëm me ju të pikëpamjeve përmes video-konferencës. Unë gjithashtu pres që ta vizitoj Kosovën për t’u takuar personalisht me ju, në momentin kur të kalojë pandemia.
Përfitoj nga ky rast për të përcjellë te ju urimet e mia më të mira për një kryesim të suksesshëm të Kuvendit”, thuhet në urimin e z. Sobotka.
