Humbja e thellë në zgjedhjet e djeshme, ka shtyrë Lidhjen Demokratike të Kosovës të thërras mbledhje urgjente të kryesisë.
Sipas burimeve të Gazetës Insajderi, LDK për pak do të fillojë mbledhjen e kryesisë ku do të diskutojë për rezultatin e arritur në zgjedhjet e djeshme.
Partia që udhëheqet nga Isa Mustafa, ka shënuar humbjen më të thellë në historinë e saj në zgjedhje. LDK nuk ka fituar në asnjë komunë, ndërsa ka humbur thellë edhe në komunat ku udhëheqin zyrtarë të këtij subjekti politik.
Kur janë numëruar 99.23% të votave, LDK-ja renditet në vendin e tretë me 102 mijë e 959 vota apo 13,08%.
Ndërkaq LVV vazhdon të prijë. Aktualisht, LVV numëron 376 mijë e 933 vota, apo 47,88%. Partia e Albin Kurtit ndiqet nga PDK-ja në vend të dytë, e cila aktualisht ka marrë 136 mijë e 681 vota apo 17,36%
