Në kuadër të aktiviteteve të saj politike, kandidatja për deputete nga radhët e Partia Demokratike e Kosovës (PDK), Kaltrina Lohaj, ka zhvilluar sot një takim në Viti me Kryetarin e Degës së PDK-së, drejtorë lokalë dhe përfaqësues të strukturave partiake.
Takimi është karakterizuar nga një diskutim i hapur dhe shkëmbim idesh mbi çështjet që prekin drejtpërdrejt qytetarët e kësaj komune, me fokus te sfidat aktuale dhe nevojat e komunitetit.
Lohaj vlerësoi takimin si një mundësi të rëndësishme bashkëpunimi dhe koordinimi me strukturat lokale, duke theksuar përkushtimin e saj për të qenë afër qytetarëve dhe për të kontribuar me përgjegjësi në institucionet e vendit.
“Si kandidate për deputete, mbetem e përkushtuar për të qenë pranë njerëzve dhe për të kontribuar me angazhim dhe përgjegjësi,” u shpreh ajo.
Në fund të takimit, ajo falënderoi organizatorët për mikpritjen dhe bashkëpunimin, duke nënvizuar rëndësinë e forcimit të komunikimit mes qytetarëve dhe përfaqësuesve politikë.
Fushata e saj po vazhdon me takime të ngjashme në terren, me synim rritjen e kontaktit të drejtpërdrejtë me qytetarët dhe adresimin e shqetësimeve të tyre.
