Policia e Kosovës po kërkon ndihmën e qytetarëve për arrestimin e një personi, i cili është në kërkim për veprën penale “Kultivim i bimës së hashashit shkurrës së kokainës ose bimëve të kanabisit”.
Bëhet fjalë për 63 vjeçarin nga Gorazhdeci i Pejës, Zvonko Jeremiq, raporton Express.
Përmes një kërkese për bashkëpunim drejtuar mediave, Drejtoria Rajonale e Policisë në Pejë ka njoftuar se ka siguruar urdhëresën e Gjykatës Themelore në Pejë për publikimin e fotos me shënime tjera, me qëllim lokalizimin dhe rrjedhimisht arrestimin e tij.
“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor”, thuhet në komunikatë.
