Deputeti i AAK’së, Pal Lekaj ia ka huqur keq kur ka folur për ish’kryeministrin Albin Kurtin, politikën e të cilit e ka quajtur politikë feministe.
I pyetur se çka nënkupton me politikë feministe, ai tha se Kurti doli i papërgatitur para dialogut, e sipas tij kjo është sjellje feministe.
Lexo Edhe:
Pal Lekaj ia huq keq, e përzin feminizmin me fjalën fëmijërore
“Është një politikë feministe e z. Kurti apo mos përgatitja apo guximi për të qeverisur me vendin, sidomos në situate të vështria, kur edhe përpara ka pasur një dialog me Serbinë që nuk ka qenë i përgatitur. Unë mendoj që nëse ke përgjegjësi për të qeverisur Kosovën pë të qenë i pari, e të mos përballesh me sfidat dhe të marresh vendime të tjera mendoj që është feministe”, tha mbrëmë Lekaj.
Në fund, ai tha se kur foli për fjalën feminizëm në fakt e pati për sjellje fëmijërore.
“Nuk e thash feministe në atë kuptimin, po fëmijërore, adoleshente”, ka thënë Lekaj.
