Sipas Institutit Hidrometeorologjik të Kosovës, sot sërish priten masa të lagështa të ajrit të cilat do të sjellin reshje shiu, por në sasi më të ulët krahasuar me reshjet e fundit.
Gjithashtu, sipas IHMK-së, si pasojë e intensifikimit të vranësirave konvektive, pritet të ketë edhe shkarkime rrufesh.
“Temperaturat minimale do të luhaten nga 10 deri në 11 gradë celsius, ndërsa ato maksimalet nga 20 deri në 21 gradë celsius. Do të fryjë erë kryesisht nga jugperëndimi me shpejtësi 1-8m/s”, thuhet në njoftimin e IHMK-së.
