Kryeshefi i Termokosit, Fisnik Osmani, ka shprehur mirënjohje të veçantë për ambasadorin gjerman, Jorn Rohde, i cili pas një periudhe të gjatë përfundon misionin e tij diplomatik në Kosovë.
I
Osmani theksoi se Republika Federale e Gjermanisë ka qenë një nga mbështetësit dhe donatorët kryesorë të ndërmarrjes për më shumë se një dekadë, duke ndihmuar në realizimin e projekteve kapitale, përmirësimin e shërbimeve dhe fuqizimin e ndërmarrjes.
“Me një fond total prej 60 milionë euro, Gjermania ka dhënë kontribut të madh në realizimin e Projektit të kogjenerimit, projekteve për zgjerimin dhe modernizimin e rrjetit të ngrohjes dhe projektin ‘Solar 4Kosovo’”, tha Osmani.
Ai shtoi se ambasadori Rohde ka lënë pas një bashkëpunim të shkëlqyer me institucionet dhe ndërmarrjet vendore, duke dhënë një kontribut të pamohueshëm për zhvillimin e Kosovës.
“???? Termokos po i jep kuptim Prishtinës së Gjelbër!”, përfundoi Osmani.
