Deputeti i AAK-së, Daut Haradinaj, ka komentuar deklaratat që Dardan Molliqaj e lidhte AAK-në me haraç dhe kazino. Ai në Debat Plus ka thënë se asnjëherë nuk e ka dëgjuar një akuzë të drejtpërdrejtë nga Molliqaj.
Haradinaj ka thënë se në kohen kur Molliqaj ka akuzuar AAK-në ka qenë pjesë e VV-së, sipas tij krejt kjo ishte bërë për shkak se AAK kishte mbështetur pakon e Ahtisarit.
“Molliqaj ka qenë aktivisti më i devotshëm i Vetëvendosjes, ndoshta edhe prej themeluesve dhe dihet se VV ka qenë kundër pakos së Ahtisarit dhe AAK në atë kohë e ka mbështet”.
“Kundërshtimet më shumë kanë qenë politike, unë nuk e di që Molliqaj ka thënë direkt se ti merresh me këtë temë”, ka deklaruar Haradinaj.
Ai ka thënë se akuza të tilla kishin bërë ndaj AAK-së edhe në Prishtinë, por sipas tij pasi kishin ardhur në pushtet nuk kishin rezulutar të vërteta akuzat.
“Kanë thënë edhe më herët sa të vina në Prishtinë do ta rrëzojmë, kur erdhën e panë që nuk qenka e Haradinajt por e njerëzve të SHIK-ut”, ka deklaruar Haradinaj.
