Një trup pa shenja jete është gjetur në një zonë malore në Broboniq të Mitrovicës sot rreth orës 10:00 të mëngjesit, njofton Klan Kosova.
Këtë për klankosova.tv e bëri të ditur Avni Zahiti, zëdhënësi për media në Drejtorinë Rajonale të Policisë në Mitrovicë. Ai tha se rasti është iniciuar si “vdekje e dyshimtë”.
“Në fshatin Broboniq të Mitrovicës, në një zonë malore, u gjet pa shenja jete një 50 vjeçar i varur në litar”.
“Ngjarja është raportuar sot rreth orës 10:00 të datës 31 janar 2020. Në vend të ngjarjes përveç njësive përkatëse të policisë ka mbërritur edhe ekipi mjekësor, ku mjeku kishte konstatuar se viktima S.H. 50 vjeçar, ishte pa shenja jete”.
“Hetuesit policorë me autorizim të prokurorit i kanë nisur hetimet drejt zbardhjes së rrethanave të rastit”.
“Pas përfundimit të procedurave në vendin e ngjarjes me urdhër të prokurorit të rastit, trupi i pajetë i viktimës është dërguar në Institutin e Mjekësisë Ligjore për obduksion. Sipas rrethanave të ngjarjes rasti është iniciuar si “ vdekje e dyshimtë’’”, deklaroi Zahiti.
