Vdekja tragjike e kirurgut abdominal, Halil Tanaj, i cili dyshohet se ndërroi jetë pas kontaktit me rrymën, i ka tronditur edhe kolegët e tij.
Enver Fekaj, kirurgu i Përgjithshëm, është tronditur nga humbja e kolegut të tij.
“Një lajm tronditës, shokues e tepër i trashtë, vdekja tragjike e kolegut tone dr. Halil Tanaj”, ka shkruar Fekaj.
Vdekjen e Tanajt ai e ka konsideruar humbje të madhe për Kosovën.
“Një humbje shumë e madhe për shëndetësinë e Kosovës. Një humbje e përmasave të jashtëzakonshme për Klinikën e Kirurgjisë Abdominale”.
Fekaj i ka shprehur ngushëllime familjes Tanaj dhe gjithë miqëve e kolegëve të doktor Halilit.
Ndryshe, Tanaj dyshohet se ka ndërruar jetë si pasojë e kontaktit me rrymën elektrike në banesën e tij në Prishtinë, shkruan Gazeta Sinjali.
Mësohet se rasti ka ndodh rreth orës 17:00, dhe përkundër tentimit të ekipit mjekësor për t’i ofruar ndihmë, ka qenë e pamundur që ai të rikthehet në jetë.
Trupi i të ndjerit është dërguar në Institutin e Mjekësisë Ligjore për obduksion.
Tanaj për vite kishte punuar si specialist abdominal në Qendrën Klinike Universitare të Kosovës, ndërsa punonte edhe në klinikën e tij private.
