Në klinikat COVID të Qendrës Klinike Universitare të Kosovës dhe në repartet e spitaleve e përgjithshme, vazhdojnë të trajtohen pacientë nga Sars-Cov-2.
Nga raportimet e datës 9 maj 2021 nga të gjitha njësitë që trajtojnë pacientë në COVID në kuadër të Shërbimit Spitalor Klinik dhe Universitar të Kosovës, në trajtim janë 409 pacientë, 318 pacientë janë të konfirmuar me Sars-Cov-2 pozitivë, 25 pacientë janë në gjendje të rënduar shëndetësore dhe 315 janë nën asistim të okisgjeno-terapisë.
Në QKUK janë të shtrirë 171 pacientë, 11 prej tyre në gjendje të rënduar, 134 të konfirmuar me Sars Cov-2 pozitivë dhe 142 me oksigjeno-terapi.
Sipas njoftimit nga ShSKUK-ja, numri i pacientëve të shtrirë sipas klinikave është ky: Klinika Infektive, 81 pacientë, Klinika Infektive II ( mjekësia sportive), 13 pacientë, Klinika e Pulmologjisë, 63 pacientë, Mjekimi Intensiv -COVID, 11 pacientë + 3 në Repartin Intensiv në Klinikën Infektive, Klinika e Pediatrisë, 2 pacientë dhe Klinika e Gjinekologjisë, 1 pacient.
Në spitalet e përgjithshme janë të shtrirë 238 pacientë, 14 në gjendje të rënduar, 184 të konfirmuar pozitivë dhe 173 me oksigjeno-terapi. Numri i pacientëve të shtrirë sipas spitaleve të përgjithshme: Spitali i Prizrenit, 36 pacientë, Spitali i Gjakovës, 40 pacientë, Spitali i Pejës, 56 pacientë, Spitali i Gjilanit, 36 pacientë, Spitali i Ferizajt, 34 pacientë, Spitali i Mitrovicës, 29 pacientë dhe Spitali i Vushtrrisë, 7 pacientë.
