Së paku 163 palestinezë dhe gjashtë policë izraelitë janë lënduar gjatë përleshjeve në Jerusalem, thanë mjekët palestinezë dhe policia izraelite.
Shumica u lënduan në Xhaminë Al-Aqsa, ku policia izraelite përdori plumba gome dhe granata shoku, ndërsa palestinezët hodhën gurë dhe shishe, shkruan BBC, transmeton Gazeta Express.
Tensionet u rritën për shkak të dëbimit të mundshëm të palestinezëve nga tokat e pretenduara nga ardhësit çifutë. Gjysmëhëna e Kuqe ka hapur një spital fushor për t’i trajtuar personat e lënduar.
Kompleksi i Xhamisë Al-Aqsa në Jerusalem është një ndër vendet më të rëndësishme për myslimanët, por gjithashtu edhe vend i shenjtë për çifutët.
Policia izraelite tha se e ka përdorur forcët për ta rikthyer rendin për shkak të kryengritjes së mijëra besimtarëve pas lutjeve të natës.
Shërbimi emergjent i Gjysmëhënës së Kuqe Palestineze tha se 88 prej palestinezëve të lënduar u dërguan në spital, pasi u goditën me plumba metali të mbuluar me gomë. Policia tha se disa nga gjashtë policët e lënduar patën nevojë për trajtim mjekësor.
