Kryeshefi ekzekutiv i Ndërmarrjes “Termokos”, Fisnik Osmani, ka pritur në takim përfaqësuesit e KFOR-it Italian në Kosovë (LMT), me të cilët ka zhvilluar një diskutim të gjatë dhe të frytshëm rreth projekteve aktuale dhe zhvillimeve brenda ndërmarrjes.
Gjatë takimit, Osmani i informoi përfaqësuesit e KFOR-it mbi punën që po bëhet për përmirësimin e shërbimeve të ngrohjes për qytetarët e Prishtinës, duke theksuar angazhimin e vazhdueshëm për ofrimin e një shërbimi të qëndrueshëm, cilësor dhe në kohë.
Ai shprehu mirënjohje për bashkëpunimin e vazhdueshëm me KFOR-in, duke theksuar rolin e rëndësishëm që ky mision ka luajtur në mbështetjen e institucioneve të vendit, përfshirë edhe Termokosin.
“Përherë falënderues për punën, angazhimin dhe përkrahjen e KFOR, dhënë institucionit tonë dhe jo vetëm,” tha Osmani.
