Korporata Energjetike e Kosovës (KEK) ka sqaruar të enjten opinionin publik lidhur me rolin dhe përgjegjësitë e saj si Furnizues i Mundësisë së Fundit (FMF).
Në këtë sqarim, KEK ka theksuar se është me rëndësi të kuptohet saktë se në asnjë rrethanë nuk është deklaruar se furnizimi me energji elektrike do të vazhdojë pavarësisht nëse konsumatorët lidhin apo jo kontratat si FMF.
Është nënvizuar qartë se bëhet fjalë për një obligim të përkohshëm ligjor, i përcaktuar me vendim të Zyrës së Rregullatorit për Energji (ZRRE), dhe jo për ndonjë garanci të furnizimit afatgjatë.
Korporata Energjetike e Kosovës (KEK) dëshiron të sqarojë opinionin publik se, gjatë takimit të fundit me përfaqësues të bizneseve nga: Oda Ekonomike e Kosovës (OEK), Dhoma e Tregtisë, Industrisë dhe Ndërmarrësisë, Aleanca e Biznesit, Klubi i Biznesit dhe Shoqata e Prodhuesve Brenda OEK, është theksuar se KEK, në përputhje me vendimin e Zyrës së Rregullatorit për Energji (ZRRE), ka obligim ligjor të furnizojë konsumatorët për një periudhë maksimale deri në 60 ditë si Furnizues i Mundësisë së Fundit (FMF).
Lexo me vemendje këtë pjesë⤵️
Prandaj, është me rëndësi të theksohet se në asnjë rrethanë KEK nuk ka deklaruar se ky furnizim do të vazhdojë pavarësisht nëse kontratat si FMF lidhen apo jo. Është theksuar qartë se bëhet fjalë për një obligim të përkohshëm ligjor, dhe jo për ndonjë garanci afatgjate furnizimi.
KEK gjithashtu ka njoftuar përfaqësuesit e bizneseve se, sipas rregullores së ZRRE-së dhe legjislacionit në fuqi, nga data 01.06.2025 ka filluar automatikisht furnizimi me energji për konsumatorët që ende nuk kanë zgjedhur furnizues në tregun e lire dhe te cilet nga kjo date jane shkyqur nga KESCO si FSHU.
Gjithashtu, KEK ka kërkuar bashkëpunimin e përfaqësuesve të bizneseve që t’u bëjnë thirrje anëtarëve të tyre për nënshkrimin sa më të shpejtë të kontratave me KEK-un si FMF, në mënyrë që ky proces i rëndësishëm për sektorin energjetik të zhvillohet me sukses, pa ndërprerje dhe në përputhje me kornizën ligjore.
