Zëdhënësja e aeroportit ndërkombëtar “Adem Jashari”, Valentina Gara, në një konferencë shtypi, ka thënë se kërkesat e punëtorëve të aeroportit, që sot kanë protestuar janë të pabazuara, pasi sipas saj janë duke i përmbushur të gjitha kërkesat e kontratës që i kanë punëtorë- punëdhënës.
“Kërkesat e tyre konsiderohen të bazuara, duke u mbështetur në kontratën që ata e kanë me aeroportin. Jemi duke i përmbushur të gjitha kërkesat e kontratës punëtor -punëdhënës, ndërsa kërkesat e tyre bazuar në kontratën kolektive ne i konsiderojmë jo ligjore. Punonjësit t’u referohen obligimeve të kontratës që e kanë me ne”, tha ajo.
Sa i përket asaj se punëtorët kanë deklaruar se nëse nuk përmbushen kërkesat do të protestojnë prapë, Gara tha se “çdo kërkesë që vjen në bazë të kanaleve ligjore do të respektohet nga kompania “Limak”, por assesi nuk do të rrezikohet siguria e udhëtarëve”.
Punëtorët e AN ‘Adem Jashari’ gjatë ditës së sotme kanë mbajtur protestë njëorëshe, me të cilën kanë kërkuar përmbushjen e kërkesave të tyre. Ndër kërkesat e tyre ai ka përmendur kompensimin dhe beneficione të tjera për rrezikshmërinë, eliminimin e dallimeve në paga, pagesën e përvojës së punës, orët e punës gjatë vikendeve të paguhen sipas ligjit të punës dhe pagesën e shujtës./
