Si është të jesh shofer profesionist, si duket jeta e përditshme e tyre, gjumi i të cilëve në punë mund të rezultojë në një katastrofë, janë disa prej pyetjeve që ja kemi shtruar vetes vetëm pas aksidentit të një autobusi të Kosovës afër Sllavonski Brod, Kroaci, në të cilin vdiqën dhjetë persona dhe i cili, sipas shoferit, ndodhi sepse në një moment e zuri gjumi.
Vinko Darojkoviq është tridhjetë vjeçar. Ai kaloi një të tretën e jetës së tij pas timonit të një autobusi në një biznes familjar. Kur e pyetëm se cila është pjesa më e vështirë e jetës së një shoferi, ai me gatishmëri tha “Ndarja nga familja. Ju shikoni fëmijët tuaj, shihni se ata janë rritur, nuk e kuptoni kur ata janë rritur, sepse ju nënshtrohuni timonit, ajo punë ju hyn në gjak dhe është e vështirë ta lini. Punëdhënësit në Kroaci, por edhe në Serbi, Maqedoni, Shqipëri dhe gjetkë nuk ofrojnë kushte adekuate për shoferët”, tha ai në fillim të bisedës për index.hr.
I pyetur se cilat do të ishin kushtet e përshtatshme për të vozitur, shoferi mori shembullin e aksidentit të fundit me autobusin me targa të Kosovës.
“Pushime ligjore, pushime vjetore. Për shembull, linja Frankfurt – Prishtinë, sipas rregulloreve, dy shoferë nuk mund të vozisin autobusin. Ata mund të ngasin maksimumi 20 orë, për kaq orë nuk mund të arrini në Prishtinë. Ne kemi disa norma të tjera shkaku i Bashkimit Evropian dhe ato zbatohet me precizitet. Ndryshe nga Shqipëria, Kosova, Serbia. Ne vozisim linjën Frankfurt-Vinkovci (1600 km) dhe djemtë tanë nuk mundem të arrijmë vetëm në Vinkovci. Në Zagreb ata zbresin pas 15 orësh vozitje gjersa shoferë të tjerë drejtojnë autobusin për në Vinkovci”, përgjigjet Darojkoviq.
Dekreti përcakton që një shofer autobusi mund të vozisë për një maksimum prej katër orë e gjysmë në të njëjtën kohë, pas së cilës ai duhet të bëjë pauzë për 45 minuta. Mund të drejtojë maksimumi 9 orë në një ditë dhe nga 10 orë dy herë në javë.
“Ekziston edhe një udhëtim gjatë natës, ku gjumi më i ëmbël fillon nga ora katër deri në shtatë të mëngjesit, atëherë kur një njeri fle më së miri, shoferi duhet të jetë i zgjuar”, shtoi ai.
Shoferi kroat tregoi më tutje se duhesh të ballfaqohesh me lloj-lloj kërkese të pasagjerit dhe kjo ta vështirëson edhe më shumë punën.
Ndryshe, njëri prej shoferëve kosovar ka ndërruar jetë gjersa tjetri që voziste gjatë aksidentit fatal tashmë arrestuar dhe nesër në ora 9:00 të mëngjesit do të dal para trupit gjykues kroat.
