I dashuri i Rita Orës, Romain Gavras ka konfirmuar se ata janë ende së bashku pasi ai kundërshtoi pretendimet se marrëdhënia e tyre ka pësuar krizë, shkruan Daily Mail, transmeton TelegramiSot.
Këngëtarja, 30 vjeçe dhe regjisori francez i filmit, 39 vjeç, kanë qenë në një lidhje për më shumë se gjashtë muaj, por u ‘goditën’ nga thashethemet javën e kaluar se romanca e tyre po prishet pasi COVID-19 i ka detyruar ata të jetojnë ndaras.
Romain i tha MailOnline se ata janë ende ‘shumë të afërt’, pavarësisht se Rita ishte në anën tjetër të botës në Australi, ku ajo zbarkoi këtë javë për të filmuar The Voice.
Duke folur nga shtëpia e tij në Londër të hënën, Romain tha: “Rita dhe unë jemi shumë të afërt. Jemi bashkë. Ajo është një person i mrekullueshëm”.
Duke kryqëzuar krahët si për ta përqafuar, ai shtoi: ‘Ne jemi të tillë. Ne jemi shumë të afërt’.
Rita, e cila përballet me një reagim të vazhdueshëm për një festë të paligjshme në Mbretërinë e Bashkuar para Krishtlindjes, u fut në një karantinë 14-ditore nga policia e armatosur pasi zbarkoi në Australi.
