Qeveria e Kosovës ka miratuar sot masat e reja antiCOVID në të cilat parashihet edhe kufizimi i lëvizjes së qytetarëve nga ora 22:30 deri në orën 05:00.
Në masat e reja antiCOVID pavarësisht numrit të personave, ndalohet organizimi i dasmave dhe mbajtja e pritjes për ngushëllime.
“Ndalohen të gjitha grumbullimet me rrezikshmëri të lartë të shpërndarjes së infeksionit, me më shumë se 30 persona (mbledhjet, seminaret, trajnimet). Pavarësisht numrit të personave, mbajtja e pritjes për ngushëllim/krye shëndoshë dhe organizimi i dasmave ndalohet”, thuhet në vendimin e Qeverisë.q
