Një princ i Lihtenshtajnit është akuzuar për vrasjen e një ariu të njohur kafe Arthur i cili mund të ketë qenë më i madhi në Evropë dhe ka shkaktuar shumë zemërim.
Autoritetet në Rumani po hetojnë nëse Princi Emanuel von und zu Lihtenshtajn dyshohet se qëlloi Arthurin, 17 vjeç, Marsin e kaluar, në një ekspeditë gjuetie.
Prokurorët thuhet se pretendojnë se vrasja e ariut nuk ishte e licencuar dhe disa nga ata që ishin të përfshirë nuk kishin leje armësh. Princi po kritikohet për këtë veprim në rrjetet social.
OJQ-ja Rumune Agent Green ka pretenduar se Arthur u qëllua në një zonë të mbrojtur të Maleve Karpate nga princi 32-vjecar, i cili është nipi i princit në fuqi të principatës, Hans-Adam ll.
Ajo pretendon që princit iu dha një leje nga Ministria e Mjedisit për të qëlluar një ari të ri femër që kishte sulmuar fermat.
“Në realitet, princi nuk e vrau arushën problematike, por një mashkull që jetonte thellë në pyll dhe nuk kishte ardhur kurrë pranë lokaliteteve,” pretendon OJQ-ja.
Gabriel Paun, presidenti i Agent Green, tha se Arthur ishte ariu më i madh i vëzhguar në Rumani, dhe ndoshta më i madhi që jetonte në Bashkimin Evropian.
“Pyes veten se si princi mund të ngatërrojë një ari femër me ariun mashkull më të madh që ekzistonte në thellësitë e pyllit”, është shprehur Paun.
Arinjtë kafe janë një specie e mbrojtur nën ndërkombëtarët dhe Rumania shpalli jashtëligjshëm gjuetinë e tyre në 2016.
