India është në një kaos total derisa numri i vdekjeve Brenda ditës nga Covid-19 ka arritur në 2812 të hënën, një numër rekord në mbarë botën.
Spitalet e mbipopulluara në Delhi dhe gjetkë janë duke u detyruar të largojnë pacientët pasi kanë mbaruar furnizimet me oksigjen dhe shtretër, duke lënë familjet të transportojnë njerëz të sëmurë me koronavirus nga spitali në spital në kërkim të trajtimit.
Kryeqyteti i Indisë ka qenë duke djegur kaq shumë trupa sa autoritetet në rajon po marrin kërkesa për të filluar prerjen e pemëve në parqet e Dhelit për t’u përdorur si ndezje.
‘Aktualisht spitali është në gjendje lypje-huazimi dhe është një situatë ekstreme krize,’ tha një zëdhënës i Spitalit Sir Ganga Ram në kryeqytetin, New Delhi.
Të Dielën, Kryeministri Narendra Modi u bëri thirrje të gjithë qytetarëve të vaksinohen dhe të bëjnë kujdes, ndërsa spitalet dhe mjekët kanë dhënë njoftime urgjente duke thënë se ata nuk ishin në gjendje të përballen me nxitimin e pacientëve.
Në disa prej qyteteve më të goditura, përfshirë Delhi të Ri, trupat po digjeshin në ambiente të improvizuara që ofronin shërbime masive.
