“Kjo shtëpi-shkollë është njëra ndër 3200 shtëpitë e lokalet, të cilat gjatë viteve të 90-ta, shërbyen në funksion të arsimit shqip, që ishte shtyllë e rëndësishme e rezistencës sonë.”, shkruan ajo, përcjellë TelegramiSot.
Osmani shton se shtëpia-shkollë ishte përpjekje për të mbajtur vazhdimësinë e mësimit dhe rezitencë kundër diskriminimit e shkeljes së të drejtave.
Postimi i saj i plotë:
Sot bashkë me kryeministrin në ardhje, z.Albin Kurti, në përvjetorin e 13-të të pavarësisë së Kosovës vizituam shkollën muze, apo siç njihet Shtëpia/Shkollë e Herticëve.
Kjo shtëpi-shkollë është njëra ndër 3200 shtëpitë e lokalet, të cilat gjatë viteve të 90-ta, shërbyen në funksion të arsimit shqip, që ishte shtyllë e rëndësishme e rezistencës sonë.
Kjo shtëpi-shkollë, duhet të jetë një muze i mirëfilltë i kujtesës sonë kolektive, i kohës kur arsimi shqip nuk ishte vetëm përpjekje për të mbajtur vazhdimësinë e mësimit, por edhe rezistencë kundrejt diskriminimit e shkeljeve të të drejtave të njeriut nga regjimi serb.
Objektet si ky nuk duhet lënë në këtë gjendje e në harresë, sepse të ardhmen gjithnjë duhet ndërtuar duke e kujtuar rrugëtimin nëpër të cilin kemi kaluar!
Respekt për gjithë atë brez mësuesish e nxënësish, të cilët mbajtën gjallë arsimin shqip, krahas idesë së lirisë e të pavarësisë!
