Chelsea ka pësuar sonte debakël kundër Manchester United në Old Trafford. Katër gola nga “Djajtë e kuq”, në një ndeshje ku kampioni i 20 fishtë tregoi se sivjet nuk do të jetë aq e lehtë për t’u kaluar
Të gjithë thanë se është një skuadër që do ta këtë të vështirë të kap Ligën e Kampionëve.
Por, Manchester United sot ka luajtur si një kampion i vërtetë. Katër gola kundër Chelseat treguan që Manchester United i Ole Gunnar Solskjaer është gati dhe se nuk do ta kenë të lehtë skuadrat e tjera me të.
Pjesa e parë ishte një ndeshje shumë më e mirë për Chelsea. Ata sulmuan dhe ishin gati për të shënuar edhe gol ku i riu Abraham që në minutat e parë goditi shtyllën e De Geas.
Por, pas 15 minutave lojë Manchester United merr ndeshjen në dorë.
Një depërtim i Anthony Martial në zonën e 16 metërshit bëri që Kurt Zouma të shkaktoi penallti, të cilën në gol e shndërroi ylli i United, Marcus Rashford në minutën e 18-të.
Pas epërsisë United vazhdonte dominimin kundër Chelsea të cilët patën disa dalje përpara por që nuk arritën barazimin e rezultatit.
Pjesa e parë përfundoi me rezultat të barabartë.
E kur në pjesën e dytë u prit që Chelsea të kërkonte barazimin, kështu nuk bëri skuadra londineze. Manchester vazhdonte të sulmonte dhe kishte edhe posedimin e topit.
Perreira depërton mirë nga krahu i djathtë në minutën e 65-të për të pasuar te Anthony Martial i cili shënon pa vështirësi në portën e Kepas, për ta dyfishuar epërsinë.
E dy minuta më vonë, Paul Pogba tregon madheshtinë.
Pason në mënyrë mjeshtërore për Rashford i cili del ballë për ballë me Kepan për të pësuar golin e 3 brenda dy minutave.
Seria e golave për Manchester nuk ndalet këtu.
Kësaj radhe është i riu Daniel James i Manchester që debuton me gol me fanellën e “Djajve të kuq” pas kalimit të tij në skuadrën kampione angleze duke shënuar në minutën e 81-të.
Prapë asistues ishte Pogba.
Në fund rezultati përfundoi me një fitore të pastër të United 4-0, kurse Frank Lampard i mbetet të punojë shumë që ta ngjallë skuadrën e tij.
Me këtë fitore, United ngjitet në vendin e dytë me golëdallim më të mirë se Liverpool të cilët e hapen kampionatin me fitore 4-1 kundër Norvich. Në vendin e parë vazhdon të jetë City të cilët deklasuan skuadrën e West Ham në London Stadium gjatë ditës së djeshme me rezultat 5-0.
Fitore kanë shënuar edhe Tottenham Hotspur dhe Arsenal në xhiron e parë të Premier Ligës.
