Policia e Greqisë ka arrestuar dy shqiptarë, të cilët u kapën me drogë në Athinë.
Sipas mediave greke, policia kishte disa kohë që i vëzhgonin dy shqiptarët, dhe pas kontrolleve të kryera kapi 33 kilogramë marijuanë.
Lënda narkotike ishte fshehur në dy banesa në kryeqytetin grek, raporton Top-Channel përcjell Klan Kosova.
Krahas marijuanës janë konfiskuar: Një pistoletë, pesë fishekë, një thikë, peshore elektronike, 32 mijë e 840 euro, tetë celularë, pjesë paketimi të drogës dhe një motor.
