Arbnor Spahiu, ish-pjesëtar i Njësisë Speciale Operative
Ish-pjesëtari i Njësisë Speciale Operative të Kosovës, Arbnor Spahiu u ndalua të dielën nga autoritetet serbe në pikën kufitare në Horgosh, e më pas u dërgua në qendrën e ndalimit në Kanjizë.
Këtë për Klankosova.tv e pati konfirmuar Ministria e Punëve të Jashtme dhe Diasporës.
Zyrtarja për Komunikim, Qëndresa Fazliu, tha se ish-polici Spahiu po udhëtonte me autobus së bashku me familjen nga Austria drejt Kosovës, në kohën kur u ndalua nga autoritetet serbe.
Sipas MPJD-së, Spahiu pritet të dalë para gjyqtarit të procedurës paraprake sot, në ora 09:00, në Gjykatën Komunale të Kikindës.
Derisa për ndalimin e ish-policit ka njoftuar dje avokati Arianit Koci, i cili ka deklaruar se ka marrë përsipër mbrojtjen e tij.
