Presidenti i Serbisë Aleksander Vuçiq e ka përforcuar edhe me një shtresë betoni kontrollin që ka mbi serbët e Kosovës. Kësaj here e ka bërë duke i joshur me para.
Pas takimit që ka pasur me përfaqësuesit e Listës Serbe në Rashkë, ai ka treguar se kompensimi për serbët që jetojnë në Republikën e Kosovës do të rritet nga rreth 90 euro sa ka qenë në 170, shkruan RTS, trasnmeton Express.
“Kjo është shumë domethënëse për qindra familje në Kosovë. Ndihma dhe përkrahja totale në projektet e reja të realizuara dhe me mbështetje direkte financiare është rreth 28-29 milionë euro, plus gjithë këto të reja që kemi pranuar, 12 deri në 14 milionë euro shtesë, pra më shumë se 40 milionë euro”, ka deklaruar Vuçiq.
Një lëvizje e tillë e Vuçiq për t’i mbajtur në grusht Listën Serbe, vjen në prag të zgjedhjeve lokale që do të mbahen më 23 prill në komunat veriore të Republikës së Kosovës, zgjedhje këto që “Srpska” ka vendosur të mos marrë pjesë.
Ai sot ka thënë se për kthimin e serbëve në institucione, nisja e punës për Asociacionin është parakusht.
