Telegramisot mëson se në orët e pasditës së vonshme ka filluar dhe po zhvillohet aksion i policisë së Kosovës në fshatin Gorazhdevc të Pejës, e i cili vie pas arrestimit të sotëm të Milorad Gjokoviçit, i dyshuar për krime lufte në Pejë gjatë vitit 1999.
Efektivët special policor po bastisin ambientet e ‘Autoritetit të Përkohshëm për Pejën’.
Burime të ‘RADIO 1’ mësojnë se ai, aktualisht po merret në pyetje në stacionin policor të Pejës. Atij i është caktuar një avokat sipas detyrës zyrtare dhe i është konfiskuar telefoni.
Gjokoviçi u arrestua pasdite sot nga Njësia për Krime lufte e Policisë së Republikës së Kosovës, pasi kthimit të tij nga Gorazhdevci, në fshatin e banimit të tij, në Vitomericë.
Gjokoviq i kthyer në fshatin Vitomiricë tani e 15 vite ka qenë pjesëmarrës i shpeshtë në shumicën e ngjarjeve të organizuara nga shoqëria civile në rajonin e Pejës.
Burime të sigurta të “RADIO 1″, bëjnë të ditur se i arrestuari është Milorad Djokoviq, nga fshati Vitomericë, Komuna e Pejës, i nacionalitetit malazez, shtetas i Republikës së Kosovës. Milorad Gjokoviç është i ditëlindjes së vitit 1961./RADIO 1/
