Një 79-vjeçar është dërguar në mbajtje të enjten në Pejë, nën dyshimin se është përfshirë në veprat penale “legalizimi i përmbajtjes së rreme” dhe “falsifikimi i dokumenteve”.
Siç njoftoi Policia, i dyshuari ka falsifikuar një aktgjykim të vitit 1976 dhe me të ka arritur të bëjë bartjen e një prone prej 13 hektarëve në pronësi të tij.
“Prona gjendet në fshatin Qyshk të Pejës dhe ajo pronë deri më 08.09.2021 kanë qenë në pronësi të Institutit të Bujqësisë”, thuhet në njoftimin e Policisë.
I dyshuari është vendosur në listën e të ndaluarve nga policia dhe të enjten në pikën kufitare Dheu i Bardhë është ndaluar dhe është dërguar në Pejë për intervistim nga hetuesit policorë.
“I dyshuari është intervistuar në prezencë të avokatit mbrojtës dhe pas intervistimit me aktvendim nga prokurori është dërguar në ndalim për 48 orë”, ka njoftuar më tej Policia.
