Policia e Kosovës ka njoftuar se ka arrestuar një person në Prishtinë, pasi që i njëjti kishte qenë duke shitur bileta futbolli në tregun e zi.
Në njoftimin e bërë nga Policia e Kosovës thuhet se, tek i dyshuari janë gjetur dhe konfiskuar gjashtë bileta të dyshuara për falsifikim, transmeton Telegrafi.
” Është arrestuar i dyshuari mashkull K/Shqiptar, pasi që i njëjti kishte qenë duke shitur bileta futbolli në tregun e zi. Nga i dyshuari janë konfiskuar 6 (gjashtë) bileta të dyshuara për falsifikim. Në stacion policor janë paraqitur katër ankues shqiptarë, të cilët kanë deklaruar se nga i dyshuari kishin blerë bileta në shuma të ndryshme dhe më pas kishin kuptuar se biletat ishin të falsifikuara”, thuhet në njoftim.
Prokuroria nis grumbullimin e informatave për mënyrën e shitjes së biletave për ndeshjet e Përfaqësueses së Kosovës
Policia bën të ditur se me vendim të prokurorit kujdestar i dyshuari është dërguar në mbajtje.
