Në fshatin Nëpërbisht është djegur një kasolle.
Brenda saj janë gjetur disa eshtra që dyshohet se janë të pronarit të kësaj kasolle.
Kështu bëri të ditur për Klankosova.tv Shaban Osmanollaj, zëdhënës i policisë për rajonin e Prizrenit.
Osmanollaj tha se sipas informacioneve pronari i kasolles ka jetuar i vetëm.
“Rreth orës 07:44 min, policia ka pranuar informacion se në afërsi të fshatit Nëpërbisht KK Suharekë, ka një incident zjarri. Pasi policia ka dalë në vendin e ngjarjes ka konstatuar së një kasolle është duke u djegur dhe menjëherë në vendin e ngjarjes kanë dalë zjarrfikësit të cilat e kanë lokalizuar zjarrin”.
” Fillimisht është provuar të kontaktohet me pronarin e kasollës por i njëjti nuk është përgjigjur. Në brendësi të kasollës së djegur janë gjetur eshtra që besohet se janë eshtra njeriu. Në vendin e ngjarjes kanë dalë njësitet e hetimeve rajonale dhe të forenzikës. Sipas informacioneve të para thuhet se pronari ka jetuar i vetëm në atë kasolle. Për informacione tjera do të njoftoheni me kohë”.
