Policia e Kosovës gjatë ditës së sotme ka arrestuar një person në Mitrovicë, pasi i njëjti dyshohet se ka kryer veprën penale “vjedhje e rëndë”,
Burimet brenda Policisë kanë njoftuar se i arrestuari dyshohet se gjatë muajit qershor ka vjedhur automjetin e tipit Jugo Florida.
I arrestuari pasi ka vjedhur veturën e ka shkatërruar atë në një deponi të automjeteve e cila gjendet në Shipol të Mitrovicës.
Të njëjtat burime kanë njoftuar se i dyshuari pas intervistimit e ka pranuar se ka kryer veprën penale dhe njëkohësisht ka treguar edhe mënyrën se si e ka vjedhur veturën.
