Pas kthimit të 11 qytetarëve nga zonat e konfliktit në Siri, Ministria e Punëve të Brendshme ka mbajtur sot konferencë për media.
Ministri i Punëve të Brendshme, Xhelal Sveçla, u shpreh që më 17 korrik me ndihmën e ShBA-ve i kanë kthyer 11 shtetas kosovarë nga zonat e konfliktit në Siri.
“Me datën 17 korrik 2021 Qeveria e Kosovës me ndihmën e ShBA-së ka kthyer nga Siria 1- qytetar. Falë nivelit të lartë profesional të institucioneve të vendit ky proces është realizuar karshi parametrave”.“Si ministër do të doja që të gjithë personat që kanë marr pjesë në luftimet që kanë kryer krime do të dalin para drejtësisë. Qeveria mbeten të përkushtuar në shërbimin ndaj qytetarëve të vet”, tha Sveçla.
Drejtori i Policisë së Kosovës, Samedin Mehmeti, tregoi se nga 11 personat e kthyer, 6 prej tyre janë burra, një grua dhe katër fëmijë, e që tre nga të kthyerit kanë nevojë për trajtim të mëtutjeshëm. Numri i qytetarëve që janë kthyer nga Siria tani është 253.
“Policia e Kosovës me kohë ka identifikuar kërcënimet që paraqesin ideologji ekstremiste. Falë angazhimeve situata aktuale e sigurisë është më ndryshe për ndalim nga ajo në 2013/14”.
“Policia e Kosovës pas një angazhimi disa mujor ka finalizuar operacionin për kthimin e qytetarëve nga zonat e konfliktit dhe kanë filluar tash e disa muaj. Gjatë këtij operacioni janë kthyer 11 personave 6 burra, 1 grua dhe katër fëmijë. Të gjithë personat i janë shtruar ekzaminimit shtetërore dhe 3 prej tyre kanë nevojë për trajtim të mëtutjeshëm. 253 persona janë kthyer deri më tani”.
“Është edhe një numër që qëndrojnë atje, dhe është duke u përpunuar dhe nuk është lehtë të hetohet një numër i saktë por ne jemi duke punuar”, tha ai.
Në pyetjen se sa është numri i viktimave kosovarë, në zonat e konfliktit, drejtori Mehmeti nuk është përgjigjur.
