Policia në Ferizaj ka gjobitur një 21-vjeçar i cili ka shkaktuar kundërvajtje në trafik, ku ka tejkaluar në vijë të plotë në magjistralen Ferizaj-Shtime, më konkretisht në fshatin Llokoshare.
Policia ka njoftuar se ai është gjobitur me 150 euro pas fotografisë të dërguar nga qytetarët në adresë të policisë.
“Kjo informatë, me foto është dërguar nga një qytetarë në adresën tonë të policisë rajonale të Ferizajt. Policia, e ftoi qytetarin E.R (M/K) 21 vjeçar, në Njësinë Rajonale të Komunikacionit të Ferizajt dhe ai në tërësi e pranoi kundërvatjen e shkaktuar dhe për këtë mori gjobë, sipas ligjit të komunikacionit rrugor. Me këtë rast, Drejtoria Rajonale e Policisë në Ferizaj, inkurajon qytetarët, si në këtë rast, që të njoftojnë policinë, pa hezitim, për kundërvajtjet e ndryshme, që mund të shkaktohen në komunikacionin rrugor”, thuhet nga policia.
