Përfaqësuesja në detyrë e Bashkimit Evropian për Politikë të Jashtme dhe Siguri, Federica Mogherini, dhe Komisionari për Zgjerim, Johannes Hahn, kanë folur për zgjedhjet e parakohshme të 6 tetorit në Kosovë.
Ata kanë thënë se procesi ka qenë i qetë dhe i rregullt.
Hahn dhe Mogherini theksuan se presin formim sa më të shpejtë të qeverisë së re.
Sipas tyre, kjo është e rëndësishme në mënyrë që Kosova të vazhdojë të punojë në mbështetje të zhvillimit ekonomik dhe social, në sundimin e ligjit, në zbatimin e Marrëveshjes së Stabilizim-Asociimit me BE-në dhe në dialogun për normalizimin e marrëdhënieve me Serbinë.
