Një ‘kartel droge’ i përbërë nga dy grupe kriminale, i cili përfshinte sicilianë, kolumbianë dhe shqiptarë, u shkatërrua nga Policia e Financave e Catania-s që dha urdhër paraburgimi paraprak ndaj 13 personave. Mes tyre ishin 4 shqiptarë.
Të gjithë akuzohen për trafikimin dhe tregtimin e drogës dhe janë identifikuar si:
Viktor Dalipaj, i lindur në Shqipëri, 46 vjeç;
Petraq Troka, i njohur si “Pietro”, lindur në Shqipëri, 33 vjeç;
Juljan Hoxhaj, i njohur si “Juli”, lindur në Valona (Shqipëri), 29 vjeç;
Indrit Karafili, i njohur si “Endri”, lindur në Shqipëri, 34 vjeç;
Hillaris Sotiris, i njohur si “Hilary”, lindur në Kolumbi, 26 vjeç;
Julio Cesar Hurtado Rodriguez, i njohur si “Cheo”, lindur në Kolumbi, 30 vjeç;
Ruben Dario Mondragon Rodriguez, lindur në Kolumbi, 35 vjeç;
Robert Andres Rodriguez Mina, i njohur si “Solìto”, lindur në Buenaventura (Kolumbi), 26 vjeç;
Brahallan Ivan Escobar Buritica, i njohur si “Bryan”, lindur në Kolumbi, 27 vjeç;
Adriano Roberto Spina, i njohur si “xhaxhai”, lindur në Nicolosi (CT), 56 vjeç;
Salvatore Litteri, i njohur si “Paolo”, lindur në Catania, 36 vjeç;
Sebastiano Lombardo, i njohur si “Sebi”, lindur në Catania, 31 vjeç;
Gioeli Carmelo Musumeci , i njohur si “Gioele”, lindur në Catania, 39 vjeç.
Gjatë hetimit u sekuestruan 365 kilogramë drogë, përfshirë marihuanë dhe kokainë.
Operacioni i koduar ‘Cocorito’ po kryhet nga mbi 100 efektivë të komandës provinciale të Guardia di Finanza të Catania, me bashkëpunimin dhe mbështetjen e Shërbimit Qendror të Hetimit të Krimit të Organizuar (Scico), shkruajnë mediat italiane.
Sipas Drejtorisë së Qarkut Anti-Mafia të Katanias, e cila koordinonte hetimet e Njësisë së Policisë Ekonomike dhe Financiare të Policisë Financiare të kryeqytetit Etna, ‘karteli i drogës’ që vepronte në qytet ishte në gjendje të tregtonte sasi të mëdha droge.
Grupi i parë kriminal drejtohej nga dy vëllezër kolumbianë, të identifikuar si Ruben Dario Rodriguez Mondragon dhe Julio Cesar Rodriguez Hurtado, të cilët ndihmoheshin nga dy persona të tjerë nga Amerika e Veriut.
Grupi i dytë kriminal, i drejtuar nga Viktor Dalipaj ishte i ndarë në dy nëngrupe. I pari përbëhej nga shtetas shqiptarë dhe drejtohej nga Julian “Juli” Hoxhaj dhe Indrit “Endri” Karafili, të cilët bënin importin e sasive të mëdha të drogës nga Shqipëria dhe më pas i shisnin për organizatat që vepronin në Sicili.
Grupi i dytë, i udhëhequr nga Sebastiano Lombardo , Salvatore Litteri dhe Gioeli Musumeci furnizoheshin me marihuanë nga grupi i drejtuar nga shqiptarët dhe e shisnin në Catania.
