Halil Matoshi, këshilltar i Kryeministri në largim ka uruar Lëvizjen Vetëvendosje për fitore në zgjedhjet e 6 tetorit.
Matoshi përmes një statusi në Facebook ka shkruar se në qeverinë Haradinaj janë bërë punë të mëdha.
“Urime seciles dhe secilit qytetar që kanë votu për koalicionin 100 % Kosovë (AAK-PSD) dhe Ramush Haradinajt, i cili, si burrështeti i madh, ia ktheu mandatin sovranit, që me mundësu ndryshimin.Në Qeverinë Haradinaj janë bâ punë t’mira, janë marrë vendime që e bâjnë historinë e shtetit”, ka shkruar Matoshi.
Matoshi ka shkruar se Albin Kurti nuk mundet i vetëm dhe se i duhet bashkëqeverisja.
“Albini vjen në pushtet në epokën kur Kosova është konsolidu në aspektin e sigurisë, është delegjitimu copëtimi i vendit, janë ruejtun resurset nacionale, Trepça 100% e Kosovës dhe tregu i lirë ësht nda nga epoka e kolonizimit nga Serbia.Dhe është zbrapsun ndikimi rus.
Albini nuk munet vetëm.I duhet bashkëqeverisja, i duhet sidomos opozita konstruktiv”/
Ai i ka uruar sinqerisht fitore VV-së dhe Albin Kurtit.
“Urime të sinqerta fituesit të zgjedhjeve Lëvizjës Vetëvendosje dhe Albin Kurtit”, ka shkruar Matoshi. /GazetaExpress/
