Deputeti nga radhët e Lëvizjes Vetëvendosje, Ardian Gola ka dalë me një postim i cili duket se përmban një mesazh të koduar aty,
Qeveria Kurti II po përballet me kritika të shumta në ditët e para të Qeverisjes. Fushata në Shqipëri, votimi i rekomandimeve për mbulimin e shpenzimeve elektrike në veri përmes ndërmarrjes publike KOSTT e qëndrimet e ministres Donika Gërvalla për UÇK-në dhe të akuzuarit në Hagë.
Gola ka shkruar se në lojë është e pritshme të sulmohesh, por me rëndësi është që kundërshtarit të mos ia shkaktosh penaltinë..
“Ne loje eshte krejtesisht e pritshme qe do te sulmohesh. Me rendesi eshte qe kundershtarit mos me ia dhane penalltine. Qeshtu e di qe eshte n’futboll, mos qofsha gabim”, ka shkruar Gola.
Kujtojmë që dje Telegrami raportoi se vet Gola para 4 vitesh kishte dalë fuqishëm kundër pagesës së rrymës për serbët në veri. Ai madje këtë e kishte quajtur “krim ndaj qytetarëve të varfër e të paperspektivë të Kosovës”.