Deputetja nga Lëvizja Vetëvendosje, Arjeta Fejza ka thënë se ministria e Shëndetësisë në krye me ministrin Arben Vitia kanë qenë shembull për luftimin e pandemisë COVID-19, shkruan Gazeta Sinjali.
Fejza ka shkruar se lajmet që ministri Vitia nuk ka komunikuar me Pfizerin duke refuzuar kështu kontratën për furnizim me vaksina janë të pavërteta.
“Ndërkohë që disa “lajme” po synojnë të dezinformojnë publikun me të pavërteta, këto “lajme” të cilat prekin direkt qytetarin janë të papranueshme”.
Sipas saj, kështu po rrezikohet edhe bashkëpunimi me palën negociuese.
“Aspekti tjetër në dëmin e këtyre “lajmeve” qëndron në faktin që në këtë menyrë rrezikohet bashkëpunimi me palën negociuse për sigurimin e vaksinave.
Vaksinimi i popullsisë në kohë pandemie është më i rëndësishëm se “lajmi ekskluziv””, ka shkruar Fejza në Facebook.
