Ministrja e Drejtësisë, Albulena Haxhiu i ka shfuqizuar dy vendime duke i shkarkuar rrjedhimisht dy persona që bartnin pozita publike,
Haxhiu ka shfuqizuar vendimin ku Driton Bajramaj caktohej zëvendësues i zv/Drejtorit të Përgjithshëm të Shërbimit Korrektues për administratë dhe vendimin ku Kadri Haliti caktohej zëvendësues i Drejtorit të Përgjithshëm të Shërbimit Sprovues të Kosovës.
“Vendimet e kundërligjshme brenda secilit institucion do të adresohen dhe shfuqizohen. Sot, në kuadër të kompetencave të mia kushtetuese dhe ligjore, kam shfuqizuar dy vendime që kishin të bënin me dy emërime pa bazë ligjore në Shërbimin Korrektues të Kosovës dhe Shërbimin Sprovues të Kosovës”, ka shkruar Haxhiu.
“Vendosja e rendit dhe ligjit në Qeverinë Kurti II, nuk ka alternativë”, ka shkruar tutje ajo.
