Sulmuesi i Milanit, Zlatan Ibrahimoviç zbuloi se ai i ka premtuar trajnerit Janne Andersson se do të jetë vendimtar për Suedinë në ndeshjet e vlefshme për kualifikimet për në Kampionatin Botëror “Katar 2022”, transmeton Sinjali Sport.
“Ne u takuam për herë të parë, vetëm në një dhomë dhe folëm për gjithçka” tha Ibrahimoviç.
“Ne të dy e dimë se çfarë është më e mira për ekipin kombëtar dhe sot unë jam ulur këtu para jush. Nëse jam këtu, nuk është për shkak se unë quhem Zlatan Ibrahimoviç, por sepse unë meritoj të jem këtu”.
Në konferencën për shtyp, sulmuesi u prek dukshëm kur u pyet për familjen e tij të cilët kanë mbetur në Suedi dhe nuk do të mund t’i takojë për shkak të pandemisë.
Suedia përballet me Gjeorgjinë dhe Kosovën në Grupin B të kualifikimeve të Kupës së Botës këtë muaj dhe përfundojnë pushimin ndërkombëtar me një miqësore kundër Estonisë më 31 mars.
