Siç mëson Telegramisot, nga burimet brenda policisë së Kosovës, Fadil Kadrija është zyrtari policor i cili sot pasdite dyshohet se ka plagosur dy qytetarë pas një mosmarrëveshje rreth një veture në fshatin Glloboçicë të Dragashit.
Ndërkohë qytetarët e plagosur janë jashtë rrezikut për jetën.
Zëdhënësi i Policisë për Rajonin e Prizrenit, Shaban Osmanollaj ka thënë se qytetarët e plagosur janë jashtë rrezikut.
“Rreth orës 16 e 40 në fshatin Gllioboçicë një zyrtar policor jashtë detyrës ka pasur një mosmarrëveshje me dy qytetar ku si pasojë e ka përdorur armën e zjarrit. Viktimat kanë pësuar lëndime por janë jashtë rrezikut”, ka thënë Osmanollaj.
