Një pjesë e strukturës së drurit të palestrës sportive “Minatori” të Mitrovicës ka rënë në tokë, shkruan Gazeta Sinjali.
Drejtori për Rini, Kulturë dhe Sport në Mitrovicë, Tafil Peci, në një prononcim për Gazetën Sinjali tha se fatmirësisht nuk ka persona të lënduar.
Peci tha se ky është një investim i Komisionit Evropian dhe se kompania përfituese sipas tij ka përfituar tenderin në mënyrë të paligjshme.
Ai u shpreh se pas largimit të kësaj kompanie nga ky projekt, ata janë përballur vazhdimisht me vështirësi të ndryshme.
“Ajo është strukturë dekorative, nuk është pllakë. Pse ka rënë dy dërrasa apo dyqind dërrasa, ajo kthehet prapë në gjendjen e mëparshme. Ky është donacion nga Komisioni Evropian dhe kompania është përzgjedhur nga ta, punët janë kryer siç janë kryer. Kjo ka ndodhur para disa viteve, kur Komisioni Evropian ka vjedhur një kontrat me një kompani portugeze dhe ne jemi përballë me kompanitë tjera që njëfarë mënyre e kanë pru gjendjen aktuale”, tha ndër të tjera ai.
