Prokuroria Themelore në Prishtinë, ka kërkuar paraburgim ndaj tetë personave që janë përfshirë në rrahjen e djalit të politikanit serb, Nenad Rashiq.
Nga tetë të dyshuarit, shtatë prej tyre sot do të dalin para gjykatës, ndërsa tjetri person i dyshuar për këtë rast është i mitur.
Këtë për Insajderin e ka konfirmuar, zëdhënësja e Gjykatës Themelore në Prishtinë, Mirlinda Gashi.
“Shtatë të pandehur nga ora 10:30 është paraparë të dalin para gjykatës në Graçanicë, meqenëse rasti është kryer në atë komunë”, ka thënë Gashi për Insajderin.
Ndërkohë, Politikani serb nga Kosova, Nenad Rashiq rrahjen e djeshme të djalit të tij e ka quajtur sulm të organizuar dhe me motiv të mundshëm politikisht.
