Katër të rinj janë aksidentuar të premtën e kaluar në kantonin e Zurichut.
Ata po përpiqëshin të iknin nga policia me një makinë të vjedhur.
18 vjeçari i cili edhe drejtonte makinën raportohet se është nga Kosova.
Ai u arrestua nga policia.
Sipas një njoftimi nga Policia e Kantonit të Zurichut, ai nuk posedonte as patentë shofer.
Tutje në njoftim thuhet se dy nga të rinjtë përfunduan në spital me lëndime të lehta dhe makina u dëmtua thuajse tërësisht.
I riu nga Kosova kishte provuar të ikte nga një kontroll policor në Wermatswil.
Pas një ngasje të gjatë të makinës në autostradën A15, makina u shmang nga autostrada në Uster dhe u përplas në mburojat prej guri të një rrethrrotullimi me shpejtësi dukshëm të tepruar.
E gjithë kjo ka ndodhur rreth orës 3:30 të mëngjesit.
Makina ishte vjedhur më parë në Zvicrën Qendrore, thotë një zëdhënës i policisë, njofton komunikata e Policisë së Zurichut përcjell Klan Kosova.
Të tre udhëtarët ishin të rinj mes moshës 14 dhe 17 vjeçare, nga Kosova dhe Serbia.
