Limaj uron qytetarët për 13 vjetorin e Pavarësisë së Kosovës

Kryetari i Nisma socialdemokrate, Fatmir Limaj, ka uruar qytetarët për 13 vjetorin e Pavarësisë së Kosovës, njofton Klan Kosova.

Në një postim në rrjetin social Facebook, Limaj thotë se ‘kjo ditëlindje e 13 e Kosovës sonë të Pavarur, është e para që e presim pa një pjesë të bashkëluftëtarëve tanë, që sot padrejtësisht ndodhen në Hagë’.

Lexo më shumë

Shtërpcë/ Një grua dyshohet se e ka helmuar me zhivë burrin e saj

Arrestohet Polici, e mbyti këmbësorin në Prizren, pasi nuk e përshtati shpejtësinë

November 8, 2025

Kurti: Opozita e ka në dorë ose zgjedhje në dhjetor ose Konjufca 1 e zgjedhje në prill!

November 8, 2025

Lexoni të plotë postimin më poshtë;

Të dashur qytetarë të Republikës së Kosovës,

Sot bëhen 13 vjet nga Shpallja e Pavarësisë së Kosovës, e cila shënon të arriturën më të madhe në historinë e shtetit tonë.

Shpallja e Pavarësisë 13 vite me parë është kurorëzim i përpjekjeve të popullit shqiptarë, që kulmuan me luftën e shenjtë të Ushtrisë Çlirimtare të Kosovës, në krye me komandantin legjendar, Adem Jashari dhe mijëra dëshmorë tjerë.

Kjo ditëlindje e 13 e Kosovës sonë të Pavarur, është e para që e presim pa një pjesë të bashkëluftëtarëve tanë, që sot padrejtësisht ndodhen në Hagë.

Ne do të vazhdojmë angazhimin tonë në mbrojtjen e vlerave kombëtare dhe asnjëherë nuk do të heqim dorë nga përkushtimi për atdheun tonë, Kosovën. Do të punojmë fuqishëm që t’i japim sa më shumë zë, mundit dhe sakrificës së njerëzve të këtij vendi, të cilët me dekada e shekuj janë angazhuar për të realizuar ëndrrën tonë shekullore.

Në këtë ditë historike shprehim mirënjohje dhe u jemi përherë falënderues miqve tanë ndërkombëtarë në krye me Shtetet e Bashkuara të Amerikës, të cilët në çdo moment kanë qenë krah mbështetës në rrugëtimin tonë drejt Pavarësisë dhe si shtet, e që fatmirësisht si të tillë vazhdojnë të jenë.

Lavdi dëshmorëve të Kombit!

Urime 13 vjetori i Pavarësisë!