Debati i cili do të mbahet në “Rtv Dukagjini” ka ngjallur reagime të shumta në opinion për formën e përballjes dhe përbërjen e panelit që do të dalë para Osmanit e Kurtit, shkruan TelegramiSot.
E VV ka kërkuar edhe nga RTK që ta transmetojë këtë debat, ani pse Radio Televizioni i Kosovës ka refuzuar që ta bëj një gjë të tillë.
Kjo për shkakun se është konsideruar e papranueshme që RTK ta transmetojë një debat i cili shfaqet në një televizion tjetër.
Siç mëson TelegramiSot, përfaqësues të VV-së e kanë refuzuar RTK-në që tri javë. Kësisoj VV nuk ka dërguar asnjë zyrtar të kësaj partie në debate, përkundër që kjo ishte kërkuar nga autorë të emisioneve aty.
VV ia ka bërë me dije RTK-së dhe një televizioni tjetër në Kosovë që nuk do të dërgojnë asnjë zyrtar të sajin për t’u ballafaquar në emisione politike gjatë kësaj fushate zgjedhore.
E sonte, një kërkesë nga VV i ka shkuar pikërisht RTK-së për t’ia transmetuar debatin në RTV Dukagjini,.
Madje siç raportoi më herët TelegramiSot, VV ia ka ofruar 6 mijë euro RTK-së si pagesë që bëhet për reklamat për hapësirën televizive.
