Turqia ka kumtuar se “vendimi i Kosovës ta hapë ambasadën në Jerusalem është në kundërshtim me të drejtën ndërkombëtare”.
Në mes tjerash, siç është publikuar në ueb faqen e Ministrisë së Jashtme të Turqisë,” janë shkelur rezolutat e Kombeve të Bashkuara të cilat kanë të bëjnë me këtë çështje”.
Zëdhënësi i Ministrisë së Jashtme të Turqisë, Hami Aksoy ka kumtuar, me rastin e nënshkrimit të djeshëm të Kosovës dhe Izraelit për vendosjen e marrëdhënieve diplomatike se kjo “nuk i shërben çështjes palestineze”, dhe siç pretendohet, “minon vizionin e zgjidhjes për dy shtete”.
“Nënkuptohet se marrëdhëniet diplomatike në mes Kosovës dhe Serbisë, të vendosura dje me nënshkrimin e marrëveshjes, se në këtë kontekst Kosova u obligua ta hapë ambasadën e saj në Jerusalem. Ky vendim i Kosovës është në kundërshtim me të drejtën ndërkombëtare”, ka pretenduar Aksoy.
